Мы сильнее, когда мы вместе.
ՀՀ Սփյուռքի նախարար Հ. Հակոբյանը օրերս մասնակցեց Լեհաստանի հայկական համայնքային կազմակերպությունների հիմնադիր համագումարի աշխատանքներին:
Նշենք, որ լեհահայ համայնքը դեռևս 15-րդ դարից հյուրընկալ
երկրի բարձրագույն ատյանում պաշտոնապես ճանաչված համայնքն
է: Ոչ պաշտոնական տվյալներով այսօր Լեհաստանում բնակվում
է 25-30 հազար հայ, որոնք հիմնականում բնակվում են Վարշավայում,
Կրակովում, Լոդզում, Վրոցլավում, Գդանսկում, Կոշալինում,
Գրիֆիցեում, Ռոդոնում, Կոլոբժեկում և այլուր:
Գրիֆիցե քաղաքում հայկական 21 համայնքային կազմակերպությունների
ներկայացուցիչների և Լեհաստանում ՀՀ դեսպանության աջակցությամբ
կայացած Լեհաստանի հայկական համայնքային կազմակերպությունների
հիմնադիր համագումարում քննարկվեցին ՙԼեհաստանի հայկական
համայնքային կազմակերպությունների հիմնախնդիրները և զարգացման
հեռանկարները՚ և Հայաստան-Սփյուռք գործակցության զարգացման
հայեցակարգը: Զեկուցումներով հանդես եկան Լեհաստանում
ՀՀ դեսպան Աշոտ Գալոյանը և ՀՀ Սփյուռքի նախարար տիկին
Հակոբյանը, այնուհետև տեղի ունեցավ ակտիվ և բուռն քննարկումներ:
Համագումարն ընտրեց 21 մարդուց բաղկացած համայնքի ղեկավար
մարմին` խորհուրդ: Համայնքի նախագահ ընտրվեց գործարար
Կարեն Հովսեփյանը: Համագումարի պատվիրակների առաջարկով
հայկական համայնքների համալեհական կազմակերպությունն
անվանակոչվեց ՙԼեհաստանի հայկական համագումար՚: Համագումարն
ընդունեց նաև Հռչակագիր: