Տեղեկանալով Երեւանում, սեպտեմբերի 19-20-ին անցկացվելիք իրավաբանների համահայկական խորհրդաժողովի ծրագրի մանրամասներին, Պ.Սեդարակյանը կարծիք հայտնեց, որ օգտակար կլինի առավելագույնս օգտագործել սփյուռքահայ հայտնի ցեղասպանագետ եւ միջազգային իրավունքի մասնագետ իրավաբանների խորհրդատվական կարողությունները: Քննարկվեցին 2010թ. Երեւանում համահայկական խոշոր կազմակերպությունների ղեկավարների համաժողովի կազմակերպման մասին, ինչպես նաեւ մտավորականների հավաքի նախաձեռնման խնդիրները:

Պ.Սեդրակյանը նշեց, որ ՀԲԸՄ-ն նախանձախնդիր է երիտասարդ պրոֆեսիոնալների հավաքի կազմակերպմանը, մտադիր է Փարիզում հիմնել սփյուռքահայ երիտասարդ մասնագետների կենտրոն: Միությունն արդեն երիտասարդ մասնագետների կենտրոն է հիմնել Դուբայում եւ ունի արդեն 11 հազար մասնագետների տվյալների շտեմարան:

Տիկին Հակոբյանը եւ Պ.Սեդրակյանը համաձայնեցին համատեղ ուժերով ընդլայնել ուսանողների ուսումնական պրակտիկայի անցկացումը Հայաստանում: